Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. quisque suas artes ob idem delibat agendo
  2. nec plus quam solitum testificatur opus.’
  3. mox ego, ‘cur, quamvis aliorum numina placem,
  4. Iane, tibi primum tura merumque fero?’
  5. ‘ut possis aditum per me, qui limina servo,
  6. ad quoscumque voles’ inquit habere deos.
  7. ‘at cur laeta tuis dicuntur verba Kalendis,
  8. et damus alternas accipimusque preces?’