Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. Dixit et in partes diversas bracchia tendens
  2. obstitit. Haud ultra tenuit Saturnius iram,
  3. terribilesque hortatus equos in gurgitis ima
  4. contortum valido sceptrum regale lacerto
  5. condidit. Icta viam tellus in Tartara fecit
  6. et pronos currus medio cratere recepit.
  7. At Cyane, raptamque deam contemptaque fontis
  8. iura sui maerens, inconsolabile vulnus
  9. mente gerit tacita lacrimisque absumitur omnis,
  10. et quarum fuerat magnum modo numen, in illas
  11. ossa pati flexus, ungues posuisse rigorem;
  12. extenuatur aquas. Molliri membra videres,
  13. primaque de tota tenuissima quaeque liquescunt,
  14. caerulei crines digitique et crura pedesque:
  15. nam brevis in gelidas membris exilibus undas
  16. transitus est: post haec umeri tergusque latusque
  17. pectoraque in tenues abeunt evanida rivos.
  18. Denique pro vivo vitiatas sanguine venas
  19. lympha subit, restatque nihil, quod prendere possis.
  20. Interea pavidae nequiquam filia matri