Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Et neglecta decet multas coma; saepe iacere
  2. Hesternam credas; illa repexa modo est.
  3. Ars casum simulat; sic capta vidit ut urbe
  4. Alcides Iolen, 'hanc ego' dixit 'amo.'
  5. Talem te Bacchus Satyris clamantibus euhoe
  6. Sustulit in currus, Cnosi relicta, suos.
  7. O quantum indulget vestro natura decori,
  8. Quarum sunt multis damna pianda modis!
  9. Nos male detegimur, raptique aetate capilli,
  10. Ut Borea frondes excutiente, cadunt.
  11. Femina canitiem Germanis inficit herbis,
  12. Et melior vero quaeritur arte color: