Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Restat iter caeli: caelo temptabimus ire.
  2. Da veniam coepto, Iupiter alte, meo:
  3. Non ego sidereas adfecto tangere sedes:
  4. Qua fugiam dominum, nulla, nisi ista, via est.
  5. Per Styga detur iter, Stygias transnabimus undas;
  6. Sunt mihi naturae iura novanda meae.'
  7. Ingenium mala saepe movent: quis crederet umquam
  8. Aërias hominem carpere posse vias?
  9. Remigium volucrum disponit in ordine pinnas,
  10. Et leve per lini vincula nectit opus,
  11. Imaque pars ceris adstringitur igne solutis,
  12. Finitusque novae iam labor artis erat.