Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Haec a concubitu fit sedula, tardior illa,
  2. Haec dominae munus te parat, illa sibi.
  3. Casus in eventu est: licet hic indulgeat ausis,
  4. Consilium tamen est abstinuisse meum.
  5. Non ego per praeceps et acuta cacumina vadam,
  6. Nec iuvenum quisquam me duce captus erit.
  7. Si tamen illa tibi, dum dat recipitque tabellas,
  8. Corpore, non tantum sedulitate placet,
  9. Fac domina potiare prius, comes illa sequatur:
  10. Non tibi ab ancilla est incipienda venus.
  11. Hoc unum moneo, siquid modo creditur arti,
  12. Nec mea dicta rapax per mare ventus agit: