Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Tolle moras tantum properataque foedera iunge —
  2. Qui mihi nunc saevit, sic tibi parcat Amor!
  3. Non ego dedignor supplex humilisque precari.
  4. Heu! ubi nunc fastus altaque verba iacent?
  5. Et pugnare diu nec me submittere culpae
  6. Certa fui — certi siquid haberet amor;
  7. Victa precor genibusque tuis regalia tendo
  8. Bracchia! quid deceat, non videt ullus amans.
  9. Depudui, profugusque pudor sua signa reliquit.
  10. Da veniam fasse duraque corda doma!
  11. Quod mihi sit genitor, qui possidet aequora, Minos,
  12. Quod veniant proavi fulmina torta manu,
  13. Quod sit avus radiis frontem vallatus acutis,
  14. Purpureo tepidum qui movet axe diem —
  15. Nobilitas sub amore iacet! miserere priorum
  16. Et, mihi si non vis parcere, parce meis!