Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Dis quoque credidimus. quo iam tot pignora nobis?
  2. Parte satis potui qualibet inde capi.
  3. Nec moveor, quod te iuvi portuque locoque —
  4. Debuit haec meriti summa fuisse mei!
  5. Turpiter hospitium lecto cumulasse iugali
  6. Paenitet, et lateri conseruisse latus.
  7. Quae fuit ante illam, mallem suprema fuisset
  8. Nox mihi, dum potui Phyllis honesta mori.