Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Spiritus ante meus tenues vanescet in auras
  2. Quam thalamo nisi tu nupta sit ulla meo!
  3. Conscia sit Iuno sacris praefecta maritis,
  4. Et dea marmorea cuius in aede sumus!'
  5. Haec animum — et quota pars haec sunt! — movere puellae
  6. Simplicis, et dextrae dextera iuncta meae.
  7. Vidi etiam lacrimas — sua pars et fraudis in illis.
  8. Sic cito sum verbis capta puella tuis.
  9. Iungis aenipedes inadusto corpore tauros
  10. Et solidam iusso vomere findis humum.
  11. Arva venenatis pro semine dentibus inples,
  12. Nascitur et gladios scutaque miles habens.