Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Quid puer admisit tam paucis editus horis?
  2. Quo laesit facto vix bene natus avum?
  3. Si potuit meruisse necem, meruisse putetur —
  4. A, miser admisso plectitur ille meo!
  5. Nate, dolor matris, rabidarum praeda ferarum,
  6. Ei mihi! natali dilacerate tuo;
  7. Nate, parum fausti miserabile pignus amoris —
  8. Haec tibi prima dies, haec tibi summa fuit.
  9. Non mihi te licuit lacrimis perfundere iustis,
  10. In tua non tonsas ferre sepulcra comas;
  11. Non super incubui, non oscula frigida carpsi.
  12. Diripiunt avidae viscera nostra ferae.