Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Neve suae possent intactam scire ministrae,
  2. Dedecus hoc sumpta dissimulavit aqua.
  1. Et quisquam ingenuas etiamnunc suspicit artes,
  2. Aut tenerum dotes carmen habere putat?
  3. Ingenium quondam fuerat pretiosius auro;
  4. At nunc barbaria est grandis, habere nihil.
  5. Cum pulchrae dominae nostri placuere libelli,
  6. Quo licuit libris, non licet ire mihi;
  7. Cum bene laudavit, laudato ianua clausa est.
  8. Turpiter huc illuc ingeniosus eo.
  9. Ecce, recens dives parto per vulnera censu
  10. Praefertur nobis sanguine pastus eques!