Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. At quae non tacita formavi gaudia mente!
  2. Quos ego non finxi disposuique modos!
  3. Nostra tamen iacuere velut praemortua membra
  4. Turpiter hesterna languidiora rosa —
  5. Quae nunc, ecce, vigent intempestiva valentque,
  6. Nunc opus exposcunt militiamque suam.
  7. Quin istic pudibunda iaces, pars pessima nostri?
  8. Sic sum pollicitis captus et ante tuis.
  9. Tu dominum fallis; per te deprensus inermis
  10. Tristia cum magno damna pudore tuli.
  11. Hanc etiam non est mea dedignata puella
  12. Molliter admota sollicitare manu;
  13. Sed postquam nullas consurgere posse per artes
  14. Inmemoremque sui procubuisse videt,
  15. 'Quid me ludis?' ait, 'quis te, male sane, iubebat
  16. Invitum nostro ponere membra toro?