Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Candidior nivibus, tunc cum cecidere recentes,
  2. In liquidas nondum quas mora vertit aquas;
  3. Candidior, quod adhuc spumis stridentibus albet
  4. Et modo siccatam, lacte, reliquit ovem.
  5. Taurus erat comes huic, feliciter ille maritus,
  6. Cumque sua teneram coniuge pressit humum.
  7. Dum iacet et lente revocatas ruminat herbas
  8. Atque iterum pasto pascitur ante cibo,
  9. Visus erat, somno vires adimente ferendi,
  10. Cornigerum terra deposuisse caput.