Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Indignere licet, iuvat inconcessa voluptas;
  2. Sola placet, 'timeo!' dicere siqua potest.
  3. Nec tamen ingenuam ius est servare puellam —
  4. Hic metus externae corpora gentis agat!
  5. Scilicet ut possit custos 'ego' dicere 'feci,'
  6. In laudem servi casta sit illa tui?
  7. Rusticus est nimium, quem laedit adultera coniunx,
  8. Et notos mores non satis urbis habet
  9. In qua Martigenae non sunt sine crimine nati
  10. Romulus Iliades Iliadesque Remus.
  11. Quo tibi formosam, si non nisi casta placebat?
  12. Non possunt ullis ista coire modis.