Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Tu quoque, qui spectas post nos, tua contrahe crura,
  2. Si pudor est, rigido nec preme terga genu!
  3. Sed nimium demissa iacent tibi pallia terra.
  4. Collige — vel digitis en ego tollo meis!
  5. Invida vestis eras, quae tam bona crura tegebas;
  6. Quoque magis spectes — invida vestis eras!
  7. Talia Milanion Atalantes crura fugacis
  8. Optavit manibus sustinuisse suis.
  9. Talia pinguntur succinctae crura Dianae
  10. Cum sequitur fortes, fortior ipsa, feras.