Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Roma, nisi inmensum vires promosset in orbem,
  2. Stramineis esset nunc quoque tecta casis.
  3. Fessus in acceptos miles deducitur agros;
  4. Mittitur in saltus carcere liber equus;
  5. Longaque subductam celant navalia pinum,
  6. Tutaque deposito poscitur ense rudis.
  7. Me quoque, qui totiens merui sub amore puellae,
  8. Defunctum placide vivere tempus erat.
  1. 'Vive' deus 'posito' siquis mihi dicat 'amore!'
  2. Deprecer — usque adeo dulce puella malum est.
  3. Cum bene pertaesum est, animoque relanguit ardor,
  4. Nescio quo miserae turbine mentis agor.