Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Seu flavent, placuit croceis Aurora capillis.
  2. Omnibus historiis se meus aptat amor.
  3. Me nova sollicitat, me tangit serior aetas;
  4. Haec melior, specie corporis illa placet.
  5. Denique quas tota quisquam probet urbe puellas,
  6. Noster in has omnis ambitiosus amor.
  1. Nullus amor tanti est — abeas, pharetrate Cupido! —
  2. Ut mihi sint totiens maxima vota mori.
  3. Vota mori mea sunt, cum te peccasse recordor,
  4. O mihi perpetuum nata puella malum!