Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Vincor, et ingenium sumptis revocatur ab armis,
  2. Resque domi gestas et mea bella cano.
  3. Sceptra tamen sumpsi, curaque tragoedia nostra
  4. Crevit, et huic operi quamlibet aptus eram.
  5. Risit Amor pallamque meam pictosque cothurnos
  6. Sceptraque privata tam cito sumpta manu.
  7. Hinc quoque me dominae numen deduxit iniquae,
  8. Deque cothurnato vate triumphat Amor.