Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Sed Scythiam Cilicasque feros viridesque Britannos,
  2. Quaeque Prometheo saxa cruore rubent.
  3. Ulmus amat vitem, vitis non deserit ulmum;
  4. Separor a domina cur ego saepe mea?
  5. At mihi te comitem iuraras usque futuram —
  6. Per me perque oculos, sidera nostra, tuos!
  7. Verba puellarum, foliis leviora caducis,
  8. Inrita, qua visum est, ventus et unda ferunt.
  9. Siqua mei tamen est in te pia cura relicti,
  10. Incipe pollicitis addere facta tuis,