Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Primus ego adspiciam notam de litore puppim,
  2. Et dicam: 'nostros advehit illa deos!'
  3. Excipiamque umeris et multa sine ordine carpam
  4. Oscula. pro reditu victima vota cadet;
  5. Inque tori formam molles sternentur harenae,
  6. Et cumulus mensae quilibet esse potest.
  7. Illic adposito narrabis multa Lyaeo —
  8. Paene sit ut mediis obruta navis aquis;
  9. Dumque ad me properas, neque iniquae tempora noctis
  10. Nec te praecipites extimuisse Notos.