Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Ille viri videat toto vestigia lecto
  2. Factaque lascivis livida colla notis.
  3. Munera praecipue videat, quae miserit alter.
  4. Si dederit nemo, Sacra roganda Via est.
  5. Cum multa abstuleris, ut non tamen omnia donet,
  6. Quod numquam reddas, commodet, ipsa roga!
  7. Lingua iuvet mentemque tegat — blandire noceque;
  8. Inpia sub dulci melle venena latent.
  9. Haec si praestiteris usu mihi cognita longo,
  10. Nec tulerint voces ventus et aura meas,
  11. Saepe mihi dices vivae bene, saepe rogabis,
  12. Ut mea defunctae molliter ossa cubent.'