Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Forma, nisi admittas, nullo exercente senescit.
  2. Nec satis effectus unus et alter habent;
  3. Certior e multis nec tam invidiosa rapina est.
  4. Plena venit canis de grege praeda lupis.
  5. Ecce, quid iste tuus praeter nova carmina vates
  6. Donat? amatoris milia multa leges.
  7. Ipse deus vatum palla spectabilis aurea
  8. Tractat inauratae consona fila lyrae.
  9. Qui dabit, ille tibi magno sit maior Homero;
  10. Crede mihi, res est ingeniosa dare.