Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Labitur occulte fallitque volubilis aetas,
  2. Ut celer admissis labitur amnis aquis.
  3. Aera nitent usu, vestis bona quaerit haberi,
  4. Canescunt turpi tecta relicta situ —
  5. Forma, nisi admittas, nullo exercente senescit.
  6. Nec satis effectus unus et alter habent;
  7. Certior e multis nec tam invidiosa rapina est.
  8. Plena venit canis de grege praeda lupis.