Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Erubuit. 'decet alba quidem pudor ora, sed iste,
  2. Si simules, prodest; verus obesse solet.
  3. Cum bene deiectis gremium spectabis ocellis,
  4. Quantum quisque ferat, respiciendus erit.
  5. Forsitan inmundae Tatio regnante Sabinae
  6. Noluerint habiles pluribus esse viris;
  7. Nunc Mars externis animos exercet in armis,
  8. At Venus Aeneae regnat in urbe sui.
  9. Ludunt formosae; casta est, quam nemo rogavit —
  10. Aut, si rusticitas non vetat, ipsa rogat.