Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Cetera quis nescit? lassi requievimus ambo.
  2. Proveniant medii sic mihi saepe dies!
  1. Ianitor — indignum! — dura religate catena,
  2. Difficilem moto cardine pande forem!
  3. Quod precor, exiguum est — aditu fac ianua parvo
  4. Obliquum capiat semiadaperta latus.
  5. Longus amor tales corpus tenuavit in usus
  6. Aptaque subducto pondere membra dedit.
  7. Ille per excubias custodum leniter ire
  8. Monstrat: inoffensos derigit ille pedes.
  9. At quondam noctem simulacraque vana timebam;
  10. Mirabar, tenebris quisquis iturus erat.