Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. His tu militibus superas hominesque deosque;
  2. Haec tibi si demas commoda, nudus eris.
  3. Laeta triumphanti de summo mater Olympo
  4. Plaudet et adpositas sparget in ora rosas.
  5. Tu pinnas gemma, gemma variante capillos
  6. Ibis in auratis aureus ipse rotis.
  7. Tunc quoque non paucos, si te bene novimus, ures;
  8. Tunc quoque praeteriens vulnera multa dabis.
  9. Non possunt, licet ipse velis, cessare sagittae;
  10. Fervida vicino flamma vapore nocet.
  11. Talis erat domita Bacchus Gangetide terra;
  12. Tu gravis alitibus, tigribus ille fuit.
  13. Ergo cum possim sacri pars esse triumphi,
  14. Parce tuas in me perdere, victor, opes!