Civil War

Lucan

Lucan. M.Annaei Lucani Pharsaliae Libri X. Weisse, Karl Hermann, editor. Leipzig: G. Bassus, 1835.

  1. Humani generis maiore in praelia damno,
  2. Exsulibus Mariis bellorum maxima merces
  3. Roma recepta fuit: nec plus victoria Sullae
  4. Praestitit, invisas penitus quam tollere partes.
  5. Hos alio, Fortuna, vocas, olimque potentes
  6. Concurrunt. Neuter civilia bella moveret,
  7. Contentus, quo Sulla fuit. Sic moesta senectus
  8. Praeteritique memor flebat, metuensque futuri.
  9. At non magnanimi percussit pectora Bruti
  10. Terror, et in tanta pavidi formidine motus
  11. Pars populi lugentis erat: sed nocte sopora,
  12. Parrhasis obliquos Helice cum verteret axes,
  13. Atria cognati pulsat non ampla Catonis.
  14. Invenit insomni volventem publica cura
  15. Fata virum casusque Urbis, cunctisque timentem,