Civil War

Lucan

Lucan. M.Annaei Lucani Pharsaliae Libri X. Weisse, Karl Hermann, editor. Leipzig: G. Bassus, 1835.

  1. Magni morte perit! Nec non, subrepta paratis
  2. A famulo Ganymede dolis, pervenit ad hostes
  3. Caesaris Arsinoe: quae castra carentia rege,
  4. Ut proles Lagea, tenet, famulumque tyranni
  5. Terribilem iusto transegit Achillea ferro.
  6. Altera, Magne, tuis iam victima mittitur umbris:
  7. Nec satis hoc Fortuna putat. Procul absit, ut ista
  8. Vindictae sit summa tuae. Non ipse tyrannus
  9. Sufficit in poenas, non omnis regia Lagi.
  10. Dum patrii veniant in viscera Caesaris enses,
  11. Magnus inultus erit. Sed non auctore furoris
  12. Sublato cecidit rabies: nam rursus in arma
  13. Auspiciis Ganymedis eunt: ac multa secundo
  14. Proelia Marte gerunt. Potuit, discrimine summo