Ab urbe condita

et cum Carthaginiensibus eodem anno foedus tertio renovatum, legatisque eorum, qui ad id venerant, comiter munera missa.

dictatorem idem annus habuit P. Cornelium Scipionem cum magistro equitum P. Decio Mure.

ab his, propter quae creati erant, comitia consularia habita, quia neuter consulum potuerat bello abesse. creati consules L. Postumius, Ti. Minucius. hos consules Piso Q. Fabio et P. Decio suggerit,

biennio exempto, quo Claudium Volumniumque et Cornelium cum Marcio consules factos tradidimus.

memoriane fugerit in annalibus digerendis, an consulto binos consules, falsos ratus, transcendent, incertum est.