Ab urbe condita

ea vero res Romanis auxit animos, sibi transitum cernentibus in Asiam, quam rem magni certaminis futuram crediderant.

stativa deinde ad Hellespontum aliquamdiu habuerunt, quia dies forte, quibus ancilia moventur, religiosi ad iter inciderant.

idem dies P. Scipionem propiore etiam religione, quia salius erat, diiunxerant ab exercitu; causaque et is ipse morae erat, dum consequeretur.

per eos forte dies legatus ab Antiocho in castra venerat Byzantius Heraclides, de pace adferens mandata;

quam impetrabilem fore magnam ei

statuit tamen non prius consulem adire quam P. Scipionem, et ita mandatum ab rege erat. in eo maximam spem habebat, praeterquam quod et magnitudo animi et satietas gloriae placabilem eum maxime faciebat,