Ab urbe condita

quod ubi animadversum est, et Romanis multitudo sua auxit animum et paucitas illis minuit.

extemplo septem naves Punicae circumventae, fugam ceterae ceperunt. mille et septingenti fuere in navibus captis milites nautaeque, in his tres nobiles Carthaginiensium.

classis Romana incolumis, una tantum perforata navi, sed ea quoque ipsa reduce, in portum rediit.

secundum hanc pugnam nondum gnaris eius qui Messanae erant, Ti. Sempronius consul Messanam venit.