Ab urbe condita

ut Hostius cecidit, confestim Romana inclinatur acies fusaque est ad veterem portam Palatii.

Romulus et ipse turba fugientium actus arma ad caelum tollens “Iuppiter, tuis” inquit “iussus avibus hic in Palatio prima urbi fundamenta ieci. arcem iam scelere emptam Sabini habent; inde armati superata media valle tendunt; at tu,

pater deum hominumque, hinc saltem arce hostes, deme terrorem Romanis fugamque foedam siste. hic ego tibi templum Statori Iovi,

quod monumentum sit posteris tua praesenti ope servatam urbem esse, voveo.”