Ars Poetica

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. actoris partis chorus officiumque virile
  2. defendat, neu quid medios intercinat actus
  3. quod non proposito conducat et haereat apte.
  4. ille bonis faveatque et consilietur amice
  5. et regat iratos et amet pacare tumentis,
  6. ille dapes laudet mensae brevis, ille salubrem
  7. iustitiam legesque et apertis otia portis,
  8. ille tegat conmissa Deosque precetur et oret,
  9. ut redeat miseris, abeat fortuna superbis.
  10. tibia non, ut nunc orichalco, vincta tubaeque
  11. aemula, sed tenuis simplexque foramine pauco
  12. adspirare et adesse choris erat utilis atque