Epistulae

Horace

Horace, Satires, Epistles and Ars Poetica. Fairclough, H. Rushton (Henry Rushton), editor. London: William Heinemann Ltd.; Cambridge, MA: Harvard University Press, 1929.

  1. caedimur et totidem plagis consumimus hostem
  2. lento Samnites ad lumina prima duello.
  3. discedo Alcaeus puncto illius; ille meo quis?
  4. quis nisi Callimachus? si plus adposcere visus,
  5. fit Mimnermus et optivo cognomine crescit.
  6. multa fero, ut placem genus irritabile vatum,
  7. cum scribo et supplex populi suffragia capto;
  8. idem finitis studiis et mente recepta
  9. obturem patulas impune legentibus auris.
  10. Ridentur mala qui componunt carmina; verum
  11. gaudent scribentes et se venerantur et ultro,
  12. si taceas, laudant quidquid scripsere beati.
  13. at qui legitimum cupiet fecisse poema,
  14. cum tabulis animum censoris sumet honesti;
  15. audebit, quaecumque parum splendoris habebunt