Epistulae

Horace

Horace, Satires, Epistles and Ars Poetica. Fairclough, H. Rushton (Henry Rushton), editor. London: William Heinemann Ltd.; Cambridge, MA: Harvard University Press, 1929.

  1. dilecti tibi [*]() Vergilius Variusque [*]() poetae,
  2. nec magis expressi voltus per aenea signa,
  3. quam per vatis opus mores animique virorum
  4. clarorum apparent, nec sermones ego mallem
  5. repentis per humum quam res componere gestas,
  6. terrarumque situs et flumina dicere, et arces
  7. montibus impositas et barbara regna, tuisque
  8. auspiciis totum confecta duclla per orbem,
  9. claustraque custodem pacis cohibentia Ianum,
    10. p.418
  10. et formidatam Parthis te principe Romam,
  11. si quantum cuperem possem quoque; sed neque parvum
  12. carmen maiestas recipit tua, nec meus audet
  13. rem temptare pudor quam vires ferre recusent.
  14. sedulitas autem stulte quem diligit urget,
  15. praecipue cum se numeris commendat et arte;