Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. Mulvius et scurrae, tibi non referenda precati,
  2. discedunt. “etenim fateor me” dixerit ille
  3. “duci ventre levem, nasum nidore supinor,
  4. inbecillus, iners, siquid vis, adde, popino.
  5. tu cum sis quod ego et fortassis nequior, ultro
  6. insectere velut melior verbisque decoris
  7. obvolvas vitium?” quid, si me stultior ipso
  8. quingentis empto drachmis deprenderis? aufer
  9. me voltu terrere; manum stomachumque teneto,
  10. dum quae Crispini docuit me ianitor edo.
  11. te coniunx aliena capit, meretricula Davum:
  12. peccat uter nostrum cruce dignius? acris ubi me
  13. natura intendit, sub clara nuda lucerna
  14. quaecumque excepit turgentis verbera caudae
  15. clunibus aut agitavit equum lasciva supinum,
  16. dimittit neque famosum neque sollicitum, ne
  17. ditior aut formae melioris meiat eodem.
  18. tu cum proiectis insignibus, anulo equestri
  19. Romanoque habitu, prodis ex iudice Dama,
  20. turpis odoratum caput obscurante lacerna,