Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. emptor, gaudentem nummo te addicere. sed me
  2. imperiosa trahit Proserpina: vive valeque.’
  1. Hoc erat in votis: modus agri non ita magnus,
  2. hortus ubi et tecto vicinus iugis aquae fons
  3. et paulum silvae super his foret. auctius atque
  4. Di melius fecere. bene est. nil amplius oro,
  5. Maia nate, nisi ut propria haec mihi munera faxis.
  6. si neque maiorem feci ratione mala rem
  7. nec sum facturus vitio culpave minorem,
  8. si veneror stultus nihil horum ‘o si angulus ille
  9. proximus accedat, qui nunc denormat agellum!’
  10. ‘o si urnam argenti fors quae mihi monstret, ut illi,
  11. thesauro invento qui mercennarius agrum
  12. illum ipsum mercatus aravit, dives amico
  13. Hercule!’, si quod adest gratum iuvat, hac prece te oro:
  14. pingue pecus domino facias et cetera praeter
  15. ingenium, utque soles, custos mihi maximus adsis.