Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. si vespertinus subito te oppresserit hospes,
  2. ne gallina malum responset dura palato,
  3. doctus eris vivam musto mersare Falerno:
  4. hoc teneram faciet. pratensibus optima fungis
  5. natura est; aliis male creditur. ille salubris
  6. aestates peraget, qui nigris prandia moris
  7. finiet, ante gravem quae legerit arbore solem.
  8. Aufidius forti miscebat mella Falerno:
  9. mendose, quoniam vacuis conmittere venis
  10. nil nisi lene decet: leni praecordia mulso
  11. prolueris melius. si dura morabitur alvus,
  12. mitulus et viles pellent obstantia conchae
  13. et lapathi brevis herba, sed albo non sine Coo.
  14. lubrica nascentes inplent conchylia lunae;
  15. sed non omne mare est generosae fertile testae:
  16. murice Baiano melior Lucrina peloris,
  17. ostrea Circaeis, Miseno oriuntur echini,