Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. quem mala stultitia et quemcumque inscitia veri
  2. caecum agit, insanum Chrysippi porticus et grex
  3. autumat. haec populos, haec magnos formula reges,
  4. excepto sapiente, tenet. nunc accipe, quare
  5. desipiant omnes aeque ac tu, qui tibi nomen
  6. insano posuere. velut silvis, ubi passim
  7. palantis error certo de tramite pellit,
  8. ille sinistrorsum, hic dextrorsum abit, unus utrique
  9. error, sed variis inludit partibus: hoc te
  10. crede modo insanum, nihilo ut sapientior ille
  11. qui te deridet caudam trahat. est genus unum
  12. stultitiae nihilum metuenda timentis, ut ignis,