Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. traiecto lateris miseri capitisve dolore,
  2. ut lethargicus hic cum fit pugil et medicum urget.
  3. dum nequid simile huic, esto ut libet.’ ‘o bone, ne te
  4. frustrere: insanis et tu stultique prope omnes,
  5. siquid Stertinius veri crepat, unde ego mira
  6. descripsi docilis praecepta haec, tempore quo me
  7. solatus iussit sapientem pascere barbam
  8. atque a Fabricio non tristem ponte reverti.
  9. nam male re gesta cum vellem mittere operto
  10. me capite in flumen, dexter stetit et “cave faxis
  11. te quicquam indignum. pudor” inquit “te malus angit,
  12. insanos qui inter vereare insanus haberi.
  13. primum nam inquiram, quid sit furere: hoc si erit in te
  14. solo, nil verbi, pereas quin fortiter, addam.
  15. quem mala stultitia et quemcumque inscitia veri
  16. caecum agit, insanum Chrysippi porticus et grex
  17. autumat. haec populos, haec magnos formula reges,
  18. excepto sapiente, tenet. nunc accipe, quare