Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. si positis intus Chii veterisque Falerni
  2. mille cadis — nihil est: tercentum milibus, acre
  3. potet acetum; age si et stramentis incubet unde-
  4. octoginta annos natus, cui stragula vestis,
  5. blattarum ac tinearum epulae, putrescat in arca:
  6. nimirum insanus paucis videatur, eo quod
  7. maxima pars hominum morbo iactatur eodem.
  8. filius aut etiam haec libertus ut ebibat heres,
  9. dis inimice senex custodis? ne tibi desit?