Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. noluit in Flavi ludum me mittere, magni
  2. quo pueri magnis e centurionibus orti
  3. laevo suspensi loculos tabulamque lacerto
  4. ibant octonos referentes Idibus aeris,
  5. sed puerum est ausus Romam portare docendum
  6. artis quas doceat quivis eques atque senator
  7. semet prognatos. vestem servosque sequentis,
  8. in magno ut populo, siqui vidisset, avita
  9. ex re praeberi sumptus mihi crederet illos.
  10. ipse mihi custos incorruptissimus omnis
  11. circum doctores aderat. quid multa? pudicum,
  12. qui primus virtutis honos, servavit ab omni
  13. non solum facto, verum opprobrio quoque turpi
  14. nec timuit, sibi ne vitio quis verteret, olim