Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. saepe forum, adsisto divinis, inde domum me
  2. ad porri et ciceris refero laganique catinum;
  3. cena ministratur pueris tribus et lapis albus
  4. pocula cum cyatho duo sustinet, adstat echinus
  5. vilis, cum patera guttus, Campana supellex.
  6. deinde eo dormitum, non sollicitus, mihi quod cras
  7. surgendum sit mane, obeundus Marsya, qui se
  8. voltum ferre negat Noviorum posse minoris.
  9. ad quartam iaceo; post hanc vagor aut ego lecto
  10. aut scripto quod me tacitum iuvet unguor olivo,
  11. non quo fraudatis inmundus Natta lucernis.
  12. ast ubi me fessum sol acrior ire lavatum
  13. admonuit, fugio campum lusumque trigonem.
  14. pransus non avide, quantum interpellet inani
  15. ventre diem durare, domesticus otior. haec est
  16. vita solutorum misera ambitione gravique;
  17. his me consolor victurum suavius ac si
  18. quaestor avus pater atque meus patruusque fuisset.
  1. Proscripti Regis Rupili pus atque venenum