Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. inde Rubos fessi pervenimus, utpote longum
  2. carpentes iter et factum corruptius imbri.
  3. postera tempestas melior, via peior ad usque
  4. Bari moenia piscosi; dein Gnatia lymphis
  5. iratis exstructa dedit risusque iocosque,
  6. dum flamma sine tura liquescere limine sacro
  7. persuadere cupit. credat Iudaeus Apella,
  8. non ego; namque Deos didici securum agere aevom
  9. nec, siquid miri faciat natura, deos id
  10. tristis ex alto caeli demittere tecto.
  11. Brundisium longae finis chartaeque viaeque est.