Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. avertunt somnos; absentem cantat amicam
  2. multa prolutus vappa nauta atque viator
  3. certatim; tandem fessus dormire viator
  4. incipit ac missae pastum retinacula mulae
  5. nauta piger saxo religat stertitque supinus.
  6. iamque dies aderat, nil cum procedere lintrem
  7. sentimus, donec cerebrosus prosilit unus
  8. ac mulae nautaeque caput lumbosque saligno
  9. fuste dolat: quarta vix demum exponimur hora.
  10. ora manusque tua lavimus, Feronia, lympha.
  11. milia tum pransi tria repimus atque subimus
  12. inpositum saxis late candentibus Anxur.
  13. huc venturus erat Maecenas optimus atque
  14. Cocceius, missi magnis de rebus uterque
  15. legati, aversos soliti conponere amicos.
  16. hic oculis ego nigra meis collyria lippus
  17. inlinere. interea Maecenas advenit atque
  18. Cocceius Capitoque simul Fonteius, ad unguem
  19. factus homo, Antoni, non ut magis alter, amicus.
  20. Fundos Aufidio Lusco praetore libenter