Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. nam vitiis nemo sine nascitur; optimus ille est,
  2. qui minimis urgetur. amicus dulcis, ut aequum est,
  3. cum mea conpenset vitiis bona, pluribus hisce,
  4. si modo plura mihi bona sunt, inclinet, amari
  5. si volet: hac lege in trutina ponetur eadem.
  6. qui, ne tuberibus propriis offendat amicum,
  7. postulat, ignoscet verrucis illius: aequum est
  8. peccatis veniam poscentem reddere rursus.
  9. denique, quatenus excidi penitus vitium irae,
  10. cetera item nequeunt stultis haerentia, cur non
  11. ponderibus modulisque suis ratio utitur ac res
  12. ut quaeque est, ita suppliciis delicta coercet?