Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. nobiscum vivit, multum demissus homo: illi
  2. tardo cognomen, pingui damus. hic fugit omnis
  3. insidias nullique malo latus obdit apertum,
  4. cum genus hoc inter vitae versemur, ubi acris
  5. invidia atque vigent ubi crimina: pro bene sano
  6. ac non incauto fictum astutumque vocamus.
  7. simplicior quis et est, qualem me saepe libenter
  8. obtulerim tibi, Maecenas, ut forte legentem
  9. aut tacitum inpellat quovis sermone: ‘molestus,
  10. communi sensu plane caret’ inquimus. eheu,
  11. quam temere in nosmet legem sancimus iniquam.
  12. nam vitiis nemo sine nascitur; optimus ille est,
  13. qui minimis urgetur. amicus dulcis, ut aequum est,
  14. cum mea conpenset vitiis bona, pluribus hisce,