Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. permolere uxores.’ ‘nolim laudarier’ inquit
  2. ‘sic me’ mirator cunni Cupiennius albi.
  3. audire est operae pretium, procedere recte
  4. qui moechis non voltis, ut omni parte laborent
  5. utque illis multo corrupta dolore voluptas
  6. atque haec rara cadat dura inter saepe pericla.
  7. hic se praecipitem tecto dedit, ille flagellis
  8. ad mortem caesus, fugiens hic decidit acrem
  9. praedonum in turbam, dedit hic pro corpore nummos,
  10. hunc perminxerunt calones; quin etiam illud
  11. accidit, ut cuidam testis caudamque salacem
  12. demeterent ferro. ‘iure’ omnes: Galba negabat.
  13. tutior at quanto merx est in classe secunda,
  14. libertinarum dico — Sallustius in quas
  15. non minus insanit quam qui moechatur. at hic si,
  16. qua res, qua ratio suaderet quaque modeste
  17. munifico esse licet, vellet bonus atque benignus
  18. esse, daret quantum satis esset nec sibi damno
  19. dedecorique foret. verum hoc se amplectitur uno,
  20. hoc amat et laudat: ‘matronam nullam ego tango’,