Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. quarum subsuta talos tegat instita veste,
  2. contra alius nullam nisi olenti in fornice stantem.
  3. quidam notus homo cum exiret fornice, ‘macte
  4. virtute esto’ inquit sententia dia Catonis;
  5. ‘nam simul ac venas inflavit taetra libido,
  6. huc iuvenes aequom est descendere, non alienas
  7. permolere uxores.’ ‘nolim laudarier’ inquit
  8. ‘sic me’ mirator cunni Cupiennius albi.
  9. audire est operae pretium, procedere recte
  10. qui moechis non voltis, ut omni parte laborent
  11. utque illis multo corrupta dolore voluptas
  12. atque haec rara cadat dura inter saepe pericla.
  13. hic se praecipitem tecto dedit, ille flagellis
  14. ad mortem caesus, fugiens hic decidit acrem
  15. praedonum in turbam, dedit hic pro corpore nummos,
  16. hunc perminxerunt calones; quin etiam illud
  17. accidit, ut cuidam testis caudamque salacem
  18. demeterent ferro. ‘iure’ omnes: Galba negabat.