Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. iubet sepulcris caprificos erutas,
  2. iubet cupressos funebris
  3. et uncta turpis ova ranae Sanguine
  4. plumamque nocturnae strigis
  5. herbasque, quas Iolcos atque Hiberia
  6. mittit venenorum ferax,
  7. et ossa ab ore rapta ieiunae canis
  8. flammis aduri Colchicis.
  9. at expedita Sagana, per totam domum
  10. spargens Avernalis aquas,
  11. horret capillis ut marinus asperis
  12. echinus aut Laurens aper.
  13. abacta nulla Veia conscientia
  14. ligonibus duris humum
  15. exhauriebat, ingemens laboribus,
  16. quo posset infossus puer
  17. longo die bis terque mutatae dapis
  18. inemori spectaculo,