Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. cruore rubros obstetrix pannos lavit,
  2. utcumque fortis exsilis puerpera.”
  3. “quid obseratis auribus fundis preces?
  4. non saxa nudis surdiora navitis
  5. Neptunus alto tundit hibernus salo.
  6. inultus ut tu riseris Cotytia
  7. volgata, sacrum liberi Cupidinis,
  8. et Esquilini pontifex venefici
  9. inpune ut Vrbem nomine inpleris meo?
  10. quid proderat ditasse Paelignas anus
  11. velociusve miscuisse toxicum?
  12. sed tardiora fata te votis manent:
  13. ingrata misero vita ducenda est in hoc,
  14. novis ut usque suppetas laboribus.
  15. optat quietem Pelopis infidi pater,
  16. egens benignae Tantalus semper dapis,
  17. optat Prometheus obligatus aliti,
  18. optat supremo collocare Sisyphus